近日， 向海岚、张兆辉 等

晒 《无头东宫》剧组聚会照 ，

(资料图)

不但有几位主演难得聚齐，

连 导演 张乾文 都有到场。

“皇帝”张兆辉 、

东宫“凌云”陈妙瑛 、

西宫“楚楚”向海岚 、

加两个 “皇儿”敖嘉年、杜大伟 ，

剧中嘅一家人齐齐整整 啦~

《无头东宫》 首播于2002年，

如 果 如今 再 翻煲

唔少朋友仔可能会觉得

“颜控”皇帝睇样认人好“渣男” 、

女主“凌云”太过烂好人了 、

强行大团圆结局好俗套咯 ……

不过喺当年，

呢套剧凭借 新奇设定

以及 一班主演精湛嘅演技

观众睇完都好buy嘎。

换面、换头嘅“童年噩梦”

令人又惊又想睇，

“凌云”点样攞番自己身份？

奸到出汁嘅“楚楚”

究竟会有乜结局？

呢啲剧情令观众牵肠挂肚。

以至于好多人一见到佢哋

就忍唔住哼唱主题曲：

“如眼睛可分对或错，

这么一瞬间看清楚我么……”

如今廿年过去，

几位演员再相聚，

个个仲冇乜点变样，

勾起观众满满嘅回忆 ！

而呢几位演员近年来

发展也各有不同，

年过花甲嘅 张兆辉

近年常在内地拍戏 ，

虽然已经好少机会演主角，

但 电影、电视剧依然戏约不断，

我哋成日可以喺屏幕上见到佢。

两个“皇儿”都好活跃

杜大伟 目前仍服务于TVB,

大家时常能在 《爱·回家》

《痞子殿下》《轻·功》 等

剧集中见到佢嘅身影。

唔讲唔知，

杜大伟 早年喺大台係

与 林峯、黄宗泽 等同期受力捧，

可惜当年“年少轻狂”得罪人，

后来就去咗主持儿童节目，

摸爬滚打咗足足13年，

直至 近几年先重返戏剧组 。

虽然佢喺多数剧集中

都係 做台词冇几句嘅绿叶演员 ，

不过都有留下好多

令人印象深刻嘅表现噶。

同样做咗多年配角嘅 敖嘉年

早些年以 恶少“蒋必文”、

命运悲惨但善良嘅“排骨仔” 等

人气角色逐渐崭露头角，

可惜 迟迟等唔到上位机会 。

几年前同TVB约满离巢后，

开始尝试更多发展，

为自己嘅演艺事业觅新出路。

近年剧集产量唔算太高，

不过几乎每年都会有

一啲新作品同大家见面 。

而两位女主角，

则已经多年不再拍戏。

以港姐冠军入圈嘅 向海岚

一出道就备受力捧，

从 《杨贵妃》《七姊妹》

到 《胭脂水粉》 等，

套套都係经典。

2008年， 向海岚 宣布息影，

然后消失幕前多年，

做咗一段时间上班族。

几年后签新公司宣布复出，

客串过两套内地剧 。

到咗呢几年，

佢最多喺一啲节目露露面，

已经好少入组拍戏了 。

同样港姐出身嘅 陈妙瑛

当年虽三甲不入，

但入行后都备受TVB力捧，

主演过好多电视剧，

拍完《无头东宫》后，

佢就离开咗TVB。

冇耐就宣布正式息影，

弃演从商，变成商界女强人 。

近年只有在某些大型活动中，

先能见到艺人同佢嘅合影。

今次佢罕见亮相圈中人聚会

也令昔日粉丝大感惊喜 。

讲开又讲，

去年 杜大伟 曾在采访中

大爆 陈妙瑛 心思思想拍番戏 ，

仲话佢会嚟《爱·回家》客串两集，

唔知今次聚会算唔算係

佢有意复出的信号咧？

well~流量密码喺嗮度啦，

唔知有冇人真係咁犀利

搵佢哋几个再合作下咁话咧？

MORE

今日娱乐看点

郭富城食出大肚腩？

由郭富城、梁朝伟主演嘅

电影《风再起时》正在热映，

近日，郭富城在采访中 自曝

为呈现戏中的“中年暴富”状态

专门增肥、食出大肚腩。

林峯佘诗曼再现\"爆钉CP\"

林峯、佘诗曼继被拍到

合体录制《无限超越班》后，

再被拍到齐齐现身

《我们的客栈》录制现场，

两人均以黑色皮衣上阵，

神还原《使徒行者》的造型。

吴千语否认已婚传闻

周扬青、吴千语近日

一起合作拍摄时尚大片，

视频中，周扬青将吴千语

称为“已婚女士”，

随后吴千语以5G网速 发博

否认已婚传闻，

并表示有好消息会和大家分享。

资料来源：剧照、微博、豆瓣

网络信息综合整理

编辑：陈祉伶

审核：曾敏妍

签发：骆苹

扫描下方二维码订阅 【微店】可乐生活小店 【淘宝】羊晚生活馆 【邮政】中国邮政微邮局 ▼

>>>

一次过get可乐 报详细内容

羊城晚报报业集团旗下优秀生活类媒体可乐生活Color ，度身打造专属广州人的吃喝玩乐指南，潮流风向标资讯。

官方微信号：靓仔可乐君（handsomecolor）